Löggiltur ökukennari; starfsnúmer 1921

Ég heiti Róbert Sigurðarson og er löggiltur ökukennari eftir að hafa stundað ökukennaranám við Endurmenntun Háskóla Íslands. Ég bý í Keflavík og býð upp á þjónustu í Reykjanesbæ, ásamt höfðuð-borgarsvæðinu, sé þess óskað.

​

Í dag starfa ég við ökukennslu í fullu starfi. Áður starfaði ég í lögreglunni í tæp 30 ár, þar sem umferðarmál voru stór hluti af störfum mínum. Á þeim tíma öðlaðist ég víðtæka reynslu og þekkingu á umferð, umferðaröryggi og þeirri ábyrgð sem fylgir því að vera ökumaður. Sú reynsla nýtist mér vel í ökukennslunni og gerir mér kleift að miðla nemendum bæði hagnýtri þekkingu og raunverulegri reynslu úr umferðinni.

​

Við þetta má síðan bæta að ég er með BA-próf í spænsku og MA-próf í þýðingafræðum frá Háskóla Íslands og hef meðal annars sinnt túlkun og þýðingum á milli spænsku og íslensku. Því get ég einnig boðið spænskumælandi einstaklingum upp á ökukennslu á þeirra eigin móðurmáli.