Question 1

Hvað þarf ég að taka marga ökutíma?

Accepted Answer

Samkvæmt námskrá Samgöngustofu til almennra ökuréttinda er gerð krafa um að verklegir ökutímar séu að lágmarki 15 talsins. Það getur þó verið afar mismunandi á milli nemenda, en ekki er óalgengt að nemendur þurfi 17-25 ökutíma. Það er ökukennarans að meta hvenær ökuneminn er tilbúinn.

Question 2

Hvað kostar ökunámið?

Accepted Answer

Verkleg kennslustund hjá ökukennara: kr. 17.500.
Ökuskóli 1: kr. 10.800-13.500.
Ökuskóli 2: kr. 9.800-13.500.
Ökuskóli 3: kr. 53.300.
Útgáfa bráðabirgðaökuskírteinis: kr. 4.300.
Ljósmynd í ökuskírteini: kr. 5.000
Prófgjald til Frumherja vegna bóklegs prófs: kr. 7.090.
Prófgjald til Frumherja vegna verklegs prófs: kr. 18.820.
Leiga á kennslubifreið í verklegu ökuprófi: kr. 24.900.
Námsgögn: kr. 5.000 - 7.500.
 
Gera má ráð fyrir að heildarkostnaður vegna ökunámsins sé í kringum kr. 400.000 ef ökunemi þarf aðeins lágmarks fjölda ökutíma hjá ökukennaranum. Ef ökunemi þarf fleiri ökutíma en lágmarkið segir til um, hækkar upphæðin í samræmi við það.

Question 3

Hvað er námsheimild?

Accepted Answer

Til að hefja ökunám þarf námsheimild hjá sýslumanni. Það er gert með því að sækja rafrænt um á vefsíðunni island.is. Þegar heimildin liggur fyrir getur ökunámið hafist.

Question 4

Hvað er Ökuskóli 1 og 2?

Accepted Answer

Í Ökuskólum 1 & 2 fer fram bóklegt ökunám í fjarnámi. Gott er að byrja í Ökuskóla 1 samhliða verklegu ökutímunum, en Ökuskóla 2 er gott að taka á meðan æfingaakstur stendur yfir. Ökuskóli 1 er samtals 12 kennslustundir og Ökuskóli 2 er 10 kennslustundir.

Question 5

Hvað er Ökuskóli 3?

Accepted Answer

Í Ökuskóla 3 er ökunemum kennt að aka við erfið akstursskilyrði. Um er að ræða 2 verklegar kennslustundir á akstursbraut og 3 kennslustundir í stofu þar sem ýmsar æfingar eru framkvæmdar. Kennslan fer fram á athafnasvæði Ökuskóla 3 að Álfhellu í Hafnarfirði: www.okuskoli3.is

Question 6

Hvað er æfingaakstur?

Accepted Answer

Æfingaakstur með leiðbeinanda er viðbót við ökunámið, en er þó ekki skylda. Til að geta hafið æfingaakstur þarf ökuneminn að hafa lokið að minnsta kosti 10 verklegum kennslustundum með ökukennaranum og sömuleiðis Ökuskóla 1. Sá sem ætlar að leiðbeina ökunema í æfingaakstri þarf að hafa náð 24 ára aldri, haft ökuréttindi í 5 ár og ekki verið sviptur ökuréttindum á síðustu 12 mánuðum.

Question 7

Hvenær má ég taka skriflega prófið?

Accepted Answer

Heimilt er að taka skriflega prófið allt að 2 mánuðum fyrir 17 ára aldurinn.

Question 8

Hvernig er skriflega prófið?

Accepted Answer

Skriflega prófið er alls 30 spurningar og skiptist í tvo hluta. Til að standast prófið má mest fá 2 villur í fyrri hlutanum og 5 villur í seinni hlutanum. Próftíminn er alls 45 mínútur.

Question 9

Hvenær má ég taka verklega prófið?

Accepted Answer

Verklega prófið má taka allt að 2 vikum fyrir 17 ára afmælisdaginn.

Question 10

Hvernig er verklega prófið?

Accepted Answer

Verklega prófið hefst á stuttu munnlegu prófi þar sem prófdómarinn spyr 5 spurninga er varða ýmsa þætti bifreiðarinnar. Það þarf að svara að minnsta kosti 3 spurningum rétt til að fá að halda áfram í akstursprófið með prófdómaranum. Í akstursprófinu er ekin ákveðin prófleið og þarf að ná 80 stigum til að standast prófið.

Question 11

Hvaða ökutækjum má ég stjórna á grundvelli almennra ökuréttinda (flokkur B)?

Accepted Answer

Almenn ökuréttindi (flokkur B) veitir heimild til að aka eftirfarandi ökutækjum:

a) Bifreið fyrir 8 farþega eða færri auk ökumanns og er 3.500 kg eða minni að leyfðri heildarþyngd sem (1) tengja má við eftirvagn/tengitæki sem er 750 kg eða minna að leyfðri heildarþyngd (2) eða eftirvagn/tengitæki sem er meira en 750 kg að leyfðri heildarþyngd enda sé vagnlest 3.500 kg eða minna að leyfðri heildarþyngd.
b) bifhjóli á fjórum eða fleiri hjólum.
c) léttu bifhjóli í AM-flokki.
d) bifhjóli á þremur hjólum í A1, A2 eða A-flokki með þeirri takmörkun að sá sem er yngri en 21 árs má ekki stjórna slíku bifhjóli með afl yfir 15kW.
e) dráttarvél í T-flokki.

Róbert´s Driving School
- Certified driving instructor

FAQ

Spurt og svarað

Algengar spurningar